06 Հունիս, 2018

ՀԱՄԿ-Ի ՆԱՄԱԿԸ ՀՀ ՎԱՐՉԱՊԵՏ ՆԻԿՈԼ ՓԱՇԻՆՅԱՆԻՆ

  2018թ. մայիսի 24-ին Հայաստանի արհմիությունների կոնֆեդերացիան նամակով դիմել է ՀՀ վարչապետ Նիկոլ Փաշինյանին, որում բարձրացված հարցերը վերաբերում են՝
  -Հայաստանի Հանրապետությունում կենսաապահովման նվազագույն զամբյուղի կազմի և կառուցվածքի պաշտոնապես սահմանմանը,
  -Նվազագույն աշխատավարձի մեխանիզմների, ինչպես նաև ՀՀ աշխատանքային օրենսգրքով ամրագրված աշխատավարձի ինդեքսավորումը օրենսդրությամբ սահմանելու հնարավորությանը:
  Մեկ այլ նամակով մայիսի 30-ին ՀՀ վարչապետին, ՀՀ աշխատանքի և սոցիալական հարցերի նախարարին ուղարկվել են ՀԱՄԿ-ի դիրքորոշումը «ՀՀ աշխատանքային օրենսգրքում փոփոխություններ և լրացումներ կատարելու մասին» ՀՀ օրենքի նախագծում կարևորագույն հարցերի կապակցությամբ, որոնց մասին ՀԱՄԿ-ը բազմիցս բարձրաձայնել է:

29 Մայիս, 2018

ՀԱՄԿ-ի ՊԱՏՎՈ ԿՐԾՔԱՆՇԱՆՈՎ և ՊԱՏՎՈԳՐՈՎ ՊԱՐԳԵՎԱՏՐՎԵԼ ԵՆ`

  ՀԱՄԿ-ի պատվո կրծքանշանով պարգևատրվել է Մանուկ Հակոբի Մանուկյանը,ՀՀ “Էլեկտրաարհմիություն” արհեստակցական կազմակերպությունների ճյուղային միության` “Հայաստանի էլեկտրական ցանցեր” արհեստակցական կազմակերպության նախագահի տեղակալ և ՀԱՄԿ-ի վերստուգիչ հանձնաժողովի նախագահ, արհմիութենական երկարամյա ակտիվ գործունեության, աշխատողների շահերի ու իրավունքների պաշտպանության գործում ներդրած զգալի ավանդի և ծննդյան 60-ամյակի կապակցությամբ:

  ՀԱՄԿ-ի պատվոգրով պարգևատրվել է Աննի Ավետիկի Ավետիսյանը, Թեթև արդյունաբերության աշխատողների արհեստակցական կազմակերպությունների ճյուղային հանրապետական միության` Երևանի “Սաթենկար” ՍՊԸ-ի արհկոմի նախագահ, ՃՀՄ-ի խորհրդի անդամ, արհմիութենական ակտիվ գործունեության և ծննդյան 40-ամյակի կապակցությամբ:

ՀԱՄԿ-ի գործկոմ

որոշում N3/2, N3/3. 26.05.2018թ.

21 Մայիս, 2018

Նաիրիտցիները՝ սեփական իրավունքների պահանջատեր

Մայիսի 16-ին Բաղրամյան 26 հասցեում՝ Հայաստանի վարչապետի նստավայրի մոտ հավաքվել էին «Նաիրիտ» գործարանի նախկին և ներկա բազմաթիվ աշխատակիցներ։ Նրանք պահանջում էին վերագործարկել գործարանը և վճարել անցած չորս ամիսների աշխատավարձերը։ Գործարանի արհմիության նախագահ Հրաչ Թադևոսյանի փոխանցմամբ թեև 2017 թ. վերջին լրացել է Արտակարգ...

15 Մայիս, 2018

ՀԱՄԿ-ի աշխատակազմի իրավաբանական  բաժնի պետ Միքայել Փիլիպոսյանի հարցազրույցը Հանրային  ռադիոյի «Հանգուցալուծում» հաղորդաշարում:

10 Մայիս, 2018

ՀԱՄԿ-ը նշեց Հաղթանակի օրը

Մայիսի 9-ին Հայրենական մեծ պատերազմում տարած հաղթանակի 73-րդ տարեդարձի տոնը Հայաստանի արհմիությունների կոնֆեդերացիան ավանդույթի համաձայն նշեց Հաղթանակ զբոսայգում` հարգանքի տուրք մատուցելով պատերազմում զոհված Անհայտ զինվորի հուշահամալիրին: Մայիսի 9-ին նշվեց նաև Շուշիի ազատագրման 26-ամյակը:   ...

27 Ապրիլ, 2018

ՀԱՅԱՍՏԱՆԻ ԱՐՀՄԻՈՒԹՅՈՒՆՆԵՐԻ ԿՈՆՖԵԴԵՐԱՑԻԱՅԻ ՇՆՈՐՀԱՎՈՐԱԿԱՆ ՈՒՂԵՐՁԸ ԱՇԽԱՏԱՆՔԻ ՕՐՎԱ ԱՌԹԻՎ

  Հարգելի աշխատավորներ
  Հայաստանի արհմիությունների կոնֆեդերացիան շնորհավորում է Աշխատանքի օրվա առթիվ, մաղթում արժանապատիվ աշխատանք` հանուն Հայաստանի Հանրապետության զարգացման:
  Ավանդույթի  համաձայն  այդ օրը արհմիություններն արտահայտում են իրենց համերաշխությունն ու միասնականությունը սոցիալական արդարության և արժանապատիվ աշխատանքի սկզբունքների  իրականացման  համար:
2018 թվականի  Մայիսի 1-ը՝ Աշխատողների  համերաշխության օրը նշվում է ամենուր, անգամ քաղաքական  և տնտեսական լարված ու անկայուն իրադարձությունների  պայմաններում:
Այս  իրավիճակը չի  շրջանցել նաև Հայաստանի  Հանրապետությունը, որտեղ  նույնպես առկա են  աշխատողների  եկամուտների  և սոցիալ-տնտեսական  մակարդակի  նվազում, ինչի արդյունքում խորացել է  աղքատությունն ու  գործազրկությունը  մասնավորապես  երիտասարդության  շրջանում: Ուստի զարմանալի չէ, որ այս  օրերին Հայաստանի երիտասարդությունը  հանդես է  գալիս առկա սոցիալ-քաղաքական, տնտեսական և բարոյա-հոգեբանական իրավիճակի լուծման  պահանջով:
ՀԱՄԿ-ը լիահույս է, որ Երևանում  և հանրապետության  մարզերում  ընթացող  իրադարձությունները  չեն  հատի ողջախոհության սահմանագիծը, ուստի   կոչ է անում պահպանել զսպվածություն  և հավատարիմ  մնալ ազգային բացառիկ համերաշխության ոգուն:
  ՀԱՄԿ-ը գտնում է, որ առկա խնդիրները պետք է լուծվեն ՀՀ օրենքների անվերապահ կիրառմամբ: 
  Աշխատանքի օրվա առթիվ ՀԱՄԿ-ը կրկին շնորհավորում է արհմիության անդամներին, բոլոր աշխատողներին, մաղթում արժանապատիվ աշխատանք,  Հայաստանի շենացման վերընթաց ուղին կերտելու հաստատակամություն, ուժ ու եռանդ:

Հայաստանի արհմիությունների
կոնֆեդերացիայի  նախագահ       ԷԴՈՒԱՐԴ ԹՈՒՄԱՍՅԱՆ

27 Ապրիլ, 2018

2018թ. Աշխատանքի պաշտպանության համաշխարհային օրվա կարգախոսն է` «Նոր սերնդի առողջությունը և անվտանգությունը»

Աշխատանքի միջազգային կազմակերպության նախաձեռնությամբ ապրիլի 28-ը նշվում է որպես Աշխատանքի պաշտպանության համաշխարհային օր:  2018թ. աշխատանքի պաշտպանության համաշխարհային օրվա կարգախոսն է` «Նոր սերնդի առողջությունը և անվտանգությունը»:  Թեև Աշխատանքի միջազգային կազմակերպությունն ամեն տարի հանդես է գալիս նոր թեմայով,...