Հանդիպում ՀԱՄԿ-ում
Փետրվարի 25-ին ՀԱՄԿ-ում տեղի ունեցավ ԱՄԿ, ԱՄՆ Աշխատանքի վարչության և Հայաստանում ԱՄՆ դեսպանատան ներկայացուցիչների հանդիպումը ՀԱՄԿ-ի նախագահ Է.Թումասյանի հետ:
Հանդիպմանը մասնակցում էին ՀԱՄԿ-ի նախագահի տեղակալներ Բ. Խարատյանը, Խ. Առաքելյանը և ՀԱՄԿ-ի աշխատակազմի ներկայացուցիչներ:
ԱՄՆ Աշխատանքի վարչության ներկայացուցիչ Քարրի Պետերսոնը ներկայացնելով Աշխատանքի միջազգային կազմակերպության /ԱՄԿ/ <Երեխաների աշխատանքի կրճատման նպատակով ազգային մակարդակով ընդգրկում և աջակցություն> ծրագիրը նշեց, որ երեխաների աշխատանքի շահագործումը կանխարգելելուն ուղղված պետական ծրագրին աջակցելու նպատակով մի շարք երկրներում իրականացվում են հետազոտություններ: Ծրագիրը նպատակ ունի նմանատիպ հետազոտություն անցկացնել նաև Հայաստանում, պարզելու, թե որքանո՞վ է տարածված երեխաների աշխատանքը:
ԱՄԿ Ծրագրի տնօրեն Վահիդուր Ռահմանը հանգամանալից ներկայացրեց Հայաստանում իրականացվելիք ծրագրի բաղադրիչները:
ՀԱՄԿ-ի նախագահի տեղակալ Բ. Խարատյանը տեղեկացրեց ՀՀ կառավարության կողմից կատարված փոփոխությունների արդյունքում որպես կառույց Աշխատանքի պետական տեսչության գործունեության դադարեցման և առողջապահության նախարարության համակարգում մեկ այլ կառուցի հետ վերակազմակերպման մասին:
Հանդիպման ավարտին ՀԱՄԿ-ի նախագահ Է.Թումասյանը շնորհակալություն հայտնեց հյուրերին և հավաստիացրեց, որ ՀԱՄԿ-ը պատրաստակամ է համագործակցել ԱՄԿ, ԱՄՆ ԱՎ և ԱՄՆ դեսպանատան հետ, ինչը կնպաստի հանրապետությունում աշխատող երեխաների թվաքանակի բացահայտմանը:
ՍՈՑԻԱԼԱԿԱՆ ԳՈՐԾԸՆԿԵՐՆԵՐ
ՀՀ աշխատանքի եվ սոցիալական հարցերի նախարարություն
Հայաստանի Գործատուների Հանրապետական ՄիությունՄԻՋԱԶԳԱՅԻՆ ՀԱՄԱԳՈՐԾԱԿՑՈՒԹՅՈՒՆ
Արհմիությունների համընդհանուր կոնֆեդերացիա
Արհմիությունների միջազգային կոնֆեդերացիա
Աշխատանքի միջազգային կազմակերպություն
