Սեմինար Գյումրիում
Հայաստանի արհմիությունների կոնֆեդերացիայի և Հայաստանում Ֆրիդրիխ Էբերտ հիմնադրամի գրասենյակի <<Սոցիալական գործընկերությունը ձեռնարկությունում>> համատեղ ծրագրի շրջանակներում 2020 թվականի մարտի 12-14-ը ՀՀ Շիրակի մարզի Գյումրի քաղաքում տեղի ունեցավ <<Սոցիալական գործընկերությունը ձեռնարկությունում>> թեմայով սեմինար, որին մասնակցում էին ՀՀ Կրթության և գիտության աշխատողների արհմիությունների ՃՀՄ Շիրակի տարածքային միության և ՀՀ Բուհերի ՃՀՄ Շիրակի տարածքի արհմիութենական կազմակերպությունների անդամներ, աշխատողներ և գործատուի ներկայացուցիչներ: Սեմինարը կազմակերպվել և իրականացվել էր ՀԱՄԿ-ի ԿՈՒԿ կողմից, այն վարում էին ՀՀ Առողջապահության և աշխատանքի տեսչական մարմնի աշխատողների առողջության պահպանման և անվտանգության ապահովման վերահսկողության վարչության գլխավոր մասնագետ Ալվարդ Արշակյանը, Երևանի պետական համալսարանի փիլիսոփայության և տրամաբանության ամբիոնի դոցենտ, փիլիսոփայության գիտությունների թեկնածու Հովհաննես Հովհաննիսյանը և ՀԱՄԿ-ի ԿՈՒԿ ղեկավար Էլեն Մանասերյանը: Սեմինարի ընթացքում մասնակիցներին ներկայացվեցին անհատական աշխատանքային իրավահաաբերությունների իրավական կարգավորումները, տեղեկատվություն տրվեց հայաստանյան և միջազգային արհմիությունների վերաբերյալ, ինչպես նաև ներկայացվեցին արհմիութենական գործիքների` կոլեկտիվ բանակցությունների վարման և գործադուլի իրականացման մեխանիզմներն ու մեթոդները: Մասնակիցները իրազեկվեցին նաև հաղորդակցման հմտությունների և քաղաքացիական հասարակության հայաստանյան մոդելների վերաբերյալ:
Սեմինարն իրականացվեց ինտերակտիվ միջոցներով, որի ընթացքում մասնակիցներն իրենց ստացած գիտելիքները կարողացան իրացնել խմբային աշխատանքներում, դերախաղերում:
Նմանատիպ սեմինարները կկրեն շարունակական բնույթ` ներառելով նաև տնտեսության այլ ոլորտներում գործող արհմիութենականներին:
ՍՈՑԻԱԼԱԿԱՆ ԳՈՐԾԸՆԿԵՐՆԵՐ
ՀՀ աշխատանքի եվ սոցիալական հարցերի նախարարություն
Հայաստանի Գործատուների Հանրապետական ՄիությունՄԻՋԱԶԳԱՅԻՆ ՀԱՄԱԳՈՐԾԱԿՑՈՒԹՅՈՒՆ
Արհմիությունների համընդհանուր կոնֆեդերացիա
Արհմիությունների միջազգային կոնֆեդերացիա
Աշխատանքի միջազգային կազմակերպություն
