ՀԱՅԱՍՏԱՆԻ ԱՐՀՄԻՈՒԹՅՈՒՆՆԵՐԻ ԿՈՆՖԵԴԵՐԱՑԻԱՅԻ
ՈՒ Ղ Ե Ր Ձ Ը
Արժանապատիվ աշխատանքի միջազգային օրվա կապակցությամբ
Աշխատանքը եղել և մնում է մարդկային արժանապատվության սկզբնաղբյուրը: Այս համոզմունքը հիմք հանդիսացավ աշխարհի բազմաթիվ երկրներում Հոկտեմբերի 7-ը նշել որպես Արժանապատիվ աշխատանքի օր:
Արժանապատիվ աշխատանքը բոլոր մարդկանց համար հնարավորություն է ազատության, հավասարության, անվտանգության և մարդկային արժանապատվության հարգանքի պայմաններում զբաղվել արտադրողական աշխատանքով:
Թե՛ Արհմիությունների միջազգային կոնֆեդերացիայի և թե՛ Հայաստանի արհմիությունների կոնֆեդերացիայի գործունեության առանցքային հարցերը եղել և մնում են բնակչության զբաղվածությունը, աշխատանքային անվտանգ պայմանների ապահովումն ու աշխատողների արժանապատիվ վարձատրությունը:
Արժանապատիվ աշխատանքի միջազգային օրը Հայաստանի արհմիությունների կոնֆեդերացիան հանդես է գալիս արժանապատիվ աշխատանքի, արժանապատիվ վարձատրության, գործատու-աշխատող հարաբերություններում սոցիալական լիարժեք երկխոսության, սոցիալական գործընկերության կայուն զարգացման պահանջով: ՀԱՄԿ-ը դեմ է աղքատությանը, գործազրկությանը, արտագաղթին և սոցիալական բևեռացմանը:
Հանրապետությունում դեռևս առկա ֆինանսա-տնտեսական անկայուն վիճակը սահմանափակում է արժանապատիվ աշխատանքի դերն ու նշանակությունը, սակայն Արհմիությունների կոնֆեդերացիան լիահույս է, որ իր պահանջները կներառվեն տնտեսության վերականգնմանն ու աշխատողների աշխատանքային շահերի պաշտպանությանն ուղղված միջոցառումների հիմքում:
ՀԱՄԿ-ը կոչ է անում արհմիութենական բոլոր կազմակերպություններին համերաշխհ գործունեությամբ նպաստել երկրի սոցիալ-տնտեսական խնդիրների լուծմանը, հուսալով, որ համատեղ գործողություններով հնարավոր է խթանել արհմիութենական շարժման առաջընթացը:
ՀԱՅԱՍՏԱՆԻ ԱՐՀՄԻՈՒԹՅՈՒՆՆԵՐԻ ԿՈՆՖԵԴԵՐԱՑԻԱՅԻ ԳՈՐԾԱԴԻՐ ԿՈՄԻՏԵ
ՍՈՑԻԱԼԱԿԱՆ ԳՈՐԾԸՆԿԵՐՆԵՐ
ՀՀ աշխատանքի եվ սոցիալական հարցերի նախարարություն
Հայաստանի Գործատուների Հանրապետական ՄիությունՄԻՋԱԶԳԱՅԻՆ ՀԱՄԱԳՈՐԾԱԿՑՈՒԹՅՈՒՆ
Արհմիությունների համընդհանուր կոնֆեդերացիա
Արհմիությունների միջազգային կոնֆեդերացիա
Աշխատանքի միջազգային կազմակերպություն
