Բրյուսելում տեղի ունեցավ Համաեվրոպական տարածաշրջանային խորհրդի գործադիր կոմիտեի 12-րդ նիստը
Մարտի 6-ին Բրյուսելի Եվրոպական տնտեսական և սոցիալական կոմիտեում տեղի ունեցավ Համաեվրոպական տարածաշրջանային խորհրդի գործադիր կոմիտեի 12-րդ նիստը:
Նիստին բացման խոսքով հանդես եկավ Համաեվրոպական տարածաշրջանային խորհրդի գլխավոր քարտուղար Լուկա Վիսենտինը:
Օրակարգում ընդգրկված էին մի շարք հարցեր.
-տարեվերջին նախատեսվող Արհմիությունների միջազգային կազմակերպության կոնգրեսի նախապատրաստական աշխատանքներ
-Աշխատանքի միջազգային կազմակերպության ներկայացրած՝ աշխատանքային ոլորտի հեռանկարներին և գենդերային բռնությանը վերաբերող
-վերջ տալ կորպորատիվ ագահությանը. աշխատավարձ և սոցիալական պաշտպանություն մատակարարման շղթաներում և Արևմուտք-Արևելք աշխատավարձի հավասարեցում
-Եվրախորհրդի ռազմավարությունը Բալկաններում և Արևելյան գործընկերության քաղաքականությանը վերաբերող և այլ հարցեր:
Նիստի աշխատանքներին մասնակցում էր և ելույթ ունեցավ ՀԱՄԿ-ի նախագահ, Համաեվրոպական տարածաշրջանային խորհրդի գործադիր կոմիտեի անդամ Էդուարդ Թումասյանը:
Նա իր ելույթում անդրադարձավ Արևելյան գործընկերության 5-րդ գագաթաժողովում ԵՄ-Հայաստան Համապարփակ և ընդլայնված գործընկերության համաձայնագրի ստորագրմանը, կարևորեց նաև Արևելյան գործընկերության համար սույն փաստաթղթի նշանակությունը, նշելով, որ ԵՄ-ն Եվրասիական տնտեսական միության հետ ունի համագործակցության խորացման մեխանիզմներ:
Նիստում հաստատվեց նաև Համաեվրոպական տարածաշրջանային խորհրդի գործադիր կոմիտեի 2018 թ գործունեության պլանը:
ՍՈՑԻԱԼԱԿԱՆ ԳՈՐԾԸՆԿԵՐՆԵՐ
ՀՀ աշխատանքի եվ սոցիալական հարցերի նախարարություն
Հայաստանի Գործատուների Հանրապետական ՄիությունՄԻՋԱԶԳԱՅԻՆ ՀԱՄԱԳՈՐԾԱԿՑՈՒԹՅՈՒՆ
Արհմիությունների համընդհանուր կոնֆեդերացիա
Արհմիությունների միջազգային կոնֆեդերացիա
Աշխատանքի միջազգային կազմակերպություն
