Կայացավ Հանրապետական եռակողմ հանձնաժողովի արտահերթ նիստը
ՀՀ աշխատանքի և սոցիալական հարցերի նախարար Արտեմ Ասատրյանի նախագահությամբ 2016 թ. նոյեմբերի 14-ին տեղի ունեցավ Հանրապետական եռակողմ հանձնաժողովի արտահերթ նիստը:
Նիստի օրակարգում ընդգրկված էր Աշխատանքի անվտանգության և աշխատավայրերում աշխատողների առողջության պահպանման ռազմավարության նախագծի քննարկումը:
Օրակարգի հաստատումից հետո ՀՀ առողջապահության նախարարի խորհրդական Վարազդատ Դանիելյանը ներկայացրեց Աշխատանքի անվտանգության և աշխատավայրերում աշխատողների առողջության պահպանման ռազմավարության նախագիծը, որի նպատակն է աշխատողների առողջության պահպանման առավել հետևողական և համակարգված քաղաքականության իրականացումը և հանրապետությունում աշխատանքի անվտանգության և աշխատավայրերում աշխատողների առողջության պահպանման համակարգի ներդրումը:
Վ.Դանիելյանը հավելեց նաև, որ նախատեսվում է ստեղծել միջգերատեսչական խումբ, որը կմշակի ազգային ծրագիր, որի ընդունմամբ հնարավոր կլինի համակարգելու աշխատանքի անվտանգության և աշխատավայրերում աշխատողների առողջության պահպանման ոլորտում տարվող քաղաքականությունը առաջիկա երկու տարիների ընթացքում:
Հարցի ներկայացումից հետո հանձնաժողովի անդամների կողմից հնչեցին մի շարք դիտողություններ և առաջարկություններ: ՀԱՄԿ-ի նախագահի տեղակալ Խաչիկ Առաքելյանը առաջարկեց ռազմավարության մեջ անդրադառնալ աշխատանքի վայրում դժբախտ դեպքերից և մասնագիտական հիվանդություններից ապահովագրական համակարգի ներդրմանը, որին ի պատասխան՝ նախարարն առաջարկեց հարցը քննարկել միջգերատեսչական խմբում և ապահովագրական համակարգի ներդրումը՝ որպես քայլ, ներառել մշակվող ազգային ծրագրում:
Առաջարկություններով հանդես եկան նաև ՀՀ պետհիմնարկների, տեղական ինքնակառավարման մարմինների և հասարակական սպասարկման, Հայաստանի մշակույթի, Հայաստանի արդյունաբերության աշխատողների արհեստակցական կազմակերպությունների ճհմ-ների նախագահները:
Նիստի ավարտին նախարար Արտեմ Ասատրյանը առաջարկեց հնչած առաջարկությունների հիման վրա լրամշակել ռազմավարության նախագիծը և հանձնաժողովի կողմից լրամշակված տարբերակին տալ դրական եզրակացություն:
ՍՈՑԻԱԼԱԿԱՆ ԳՈՐԾԸՆԿԵՐՆԵՐ
ՀՀ աշխատանքի եվ սոցիալական հարցերի նախարարություն
Հայաստանի Գործատուների Հանրապետական ՄիությունՄԻՋԱԶԳԱՅԻՆ ՀԱՄԱԳՈՐԾԱԿՑՈՒԹՅՈՒՆ
Արհմիությունների համընդհանուր կոնֆեդերացիա
Արհմիությունների միջազգային կոնֆեդերացիա
Աշխատանքի միջազգային կազմակերպություն
