Արհմիությունները արժանապատիվ աշխատանքի պահանջատեր

Կայքի հին տարբերակը

Արհմիությունները արժանապատիվ աշխատանքի պահանջատեր

Աշխատանքի Միջազգային Կազմակերպությունը 1999թ-ին հռչակել է «Արժանապատիվ աշխատանք» գաղափարը, որը ներառում է 4 հիմնական տարրեր.

– զբաղվածություն, որը ենթադրում է աշխատատեղերի ստեղծում և աշխատողի ու նրա ընտանիքի կենսաապահովման համար բավարար միջոցների առկայություն;

– աշխատանքային իրավունքներ և նրանց ապահովումը;

– առողջ և անվտանգ աշխատանքային պայմաններ, սոցիալական պաշտպանվածություն;

– սոցիալական երկխոսություն և սոցիալական գործընկերության համակարգի զարգացում:

Հայաստանի Արհմիությունների Կոնֆեդերացիան հանդիսանում է Արհմիությունների Միջազգային Կոնֆեդերացիայի անդամ և հոկտեմբերի 7-ը նշում է իբրև Արժանապատիվ աշխատանքի համաշխարհային օր:

Անդրադարձ կատարելով մեր երկրում ստեղծված իրավիճակին, կարելի է փաստել, որ մեր ազգաբնակչության գերակշռող մասը արժանապատիվ աշխատանքից շատ է հեռացել:

Այսօր առկա է 18-19% գործազրկություն, որը հասարակությանը բերել է աղքատության, որը կազմում է 37-39%:

Հայաստանի Արհմիությունների Կոնֆեդերացիան Ո՛Չ է ասում.

– աղքատությանը,

– գործազրկությանը,

– արտագաղթին,

– սոցիալական բևեռացմանը,

– կոռուպցիային:

Հայաստանի Արհմիությունների Կոնֆեդերացիան բարձրաձայնում է առաջնահերթությունները.

– զբաղվածության ապահովում,

– անվտանգ աշխատանք,

– սոցիալական երաշխիքների ընդլայնում և ապահովում,

– աշխատավարձի ինդեքսավորում,

– ոչ ֆորմալ զբաղվածության նվազեցում:

Միայն վերը հիշատակված առաջնահերթությունները ապահովելու պարագայում հնարավոր է խոսել արժանապատիվ աշխատանքի մասին, հակառակ պարագայում աշխատող քաղաքացիների բարեկեցության մասին խոսելը կլինի ավելորդություն:

Գառնիկ Վաղարշակյան

ՀԱՄԿ-ի պատասխանատու քարտուղար

Հոդվածը կարող եք կարդալ այս հասցեով՝ http://www.aravot.am/2016/10/06/813042/