ՏԵՂԵԿԱՏՎՈՒԹՅՈՒՆ

Կայքի հին տարբերակը

ՏԵՂԵԿԱՏՎՈՒԹՅՈՒՆ

2015թ. հոկտեմբերի 29-ին Հայաստանի արհմիությունների կոնֆեդերացիայի աջակցությամբ, կոնֆեդերացիայի նիստերի դահլիճում անցկացվեց Հայաստանի Արդյունաբերության աշխատողների և Հայաստանի կոմունալ-բնակարանային տնտեսության և ծառայությունների ոլորտի աշխատողների արհեստակցական կազմակերպությունների ճյուղային հանրապետական միությունների վերստուգիչ հանձնաժողովների նախագահների համատեղ սեմինարը, որին մասնակցեցին 71 արհմիութենական ակտիվիստներ:

Համատեղ սեմինարը ներածական խոսքով բացեց և մասնակիցներին երկու Ճյուղային Հանրապետական միությունների կողմից ողջունեց Հայաստանի կոմունալ-բնակարանային տնտեսության և ծառայությունների ոլորտի աշխատողների արհեստակցական կազմակերպությունների ճյուղային հանրապետական միության նախագահ` Սեդա Հարությունյանը:

Օրակարգի առաջին հարցի կապակցությամբ` ՀՀ Աշխատանքային օրենսգրքում վերջերս կատարված փոփոխությունների և լրացումների պարզաբանմամբ հանդես եկավ ՀՀ Առողջապահության նախարարի խորհրդական` իրավաբան Վարազդատ Դանիելյանը:

Օրակարգի երկրորդ հարցի` համակարգերի վերստուգիչ հանձնաժողովների նախագահների /անդամների/ հետագա գործունեությունը բարելավելու ուղղությամբ զեկուցումներով հանդես եկան երկու ճյուղային հանրապետական միությունների գլխավոր հաշվապահներ` Մայրամ Գասպարյանը և Արամ Ղազարյանը:

Ծավալված մտքերի փոխանակությանը մասնակցեցին երկու տասնյակից ավելի արհմիութենական ակտիվիստներ, որոնք իրենց դիտողություններով ու առաջարկություններով լրացրեցին զեկուցումները և նշեցին ուղիներ այդ կարևոր կառույցի գործունեությունը էլ ավելի բարելավելու, արհկոմների ֆինանսատնտեսական և հաշվապահական աշխատանքներում առկա թերությունները ու բացթողումները վերացնելու համար:

Համատեղ սեմինարի մասնակիցները ապահովված էին անհրաժեշտ գրենական պիտույքներով, նրանց բաժանվեց ՀՀ Աշխատանքային օրենսգիրքը` նոր լրացումներով ու փոփոխություններով:

Համատեղ սեմինարի արդյունքները ամփոփեց և բարձրացված հարցերին պատասխանեց Արդյունաբերության աշխատողների Ճյուղային հանրապետական միության նախագահ` Համլետ Դանիելյանը:

Համատեղ սեմինարի լավագույն անցկացմանը նպաստեց նաև Հայաստանի Արհմիությունների Կոնֆեդերացիան` ուսումնահետազոտական կենտրոնի տնօրեն Գառնիկ Վաղարշակյանի մասնակցությամբ: