Էդուարդ Թումասյան

Էդուարդ Թումասյանը ծնվել է 1947թ. հունվարի 18-ին Գյումրի (նախկին` Լենինական) քաղաքում, ծառայողի ընտանիքում:

1965թ. ավարտելով Գյումրիի Հովհ. Թումանյանի անվան N13 միջնակարգ դպրոցը, ընդունվել է Երևանի պետական բժշկական ինստիտուտը, որն ավարտել է 1970 թվականին և աշխատանքի անցել Լենինականի N4 բուժմիավորումում:

1971թ. սեպտեմբերին զորակոչվել է բանակ և ծառայել որպես կայազորի գլխավոր մասնագետ: Ծառայությունը ավարտելուց հետո աշխատել է Լենինականի զինվորական հոսպիտալում` որպես բաժանմունքի վարիչ:

1975թ. ապրիլին նշանակվել է Լենինականի մանկական ստոմատոլոգիական պոլիկլինիկայի գլխավոր բժիշկ, իսկ 1976թ. հոկտեմբերին ընտրվել է Լենինական քաղաքի բուժաշխատողների արհմիության քաղկոմի նախագահ: 1978թ. սեպտեմբերին ընտրվել է Առողջապահության աշխատողների արհմիության հանրապետական կոմիտեի քարտուղար, 1986թ. նոյեմբերին` նույն կոմիտեի նախագահ: 1990թ. սեպտեմբերին Է. Թումասյանի նախաձեռնությամբ հրավիրվում է Բուժաշխատողների արհմիության Հայկական հանրապետական կոմիտեի համագումար, որտեղ ընդունվում է հռչակագիր, ըստ որի անվանափոխվում է ճյուղային միությունը, դառնալով Հայաստանի առողջապահության աշխատողների արհեստակցական միության հանրապետական խորհուրդ և հաստատվում խորհրդի կանոնադրությունը,որի նախադեպը չուներ ՀԱՄԿ-ի կազմի մեջ մտնող ոչ մի ճյուղային միություն:

2003թ. ընտրվում է Առողջապահության միջազգային արհմիությունների փոխնախագահ:

2007թ. նոյեմբերին Հայաստանի արհմիությունների կոնֆեդերացիայի 2-րդ համագումարում ընտրվել է Հայաստանի արհմիությունների կոնֆեդերացիայի նախագահ: 2012թ. նոյեմբերի 23-ին կայացած ՀԱՄԿ-ի 3-րդ համագումարում վերընտրվել ՀԱՄԿ-ի նախագահի պաշտոնում: 2017 թ. հոկտեմբերի 6-ին ՀԱՄԿ-ի 4-րդ համագումարում կրկին վերընտրվել է ՀԱՄԿ-ի նախագահի պաշտոնում:

Էդուարդ Թումասյանը հանդիսանում է Արհմիությունների միջազգային կոնֆեդերացիայի համաեվրոպական տարածաշրջանային խորհրդի գործադիր կոմիտեի անդամ, միաժամանակ անդամակցում է Արհմիությունների համընդհանուր դաշնության գործկոմին և խորհրդին:

Ամուսնացած է ունի երկու զավակ:

ՀԱՄԿ-ի 4-րդ համագումարում նախագահի տեղակալներ  են վերընտրվել

   Խաչիկ Առաքելյանը

   Բորիս Խարատյանը

ՍՈՑԻԱԼԱԿԱՆ ԳՈՐԾԸՆԿԵՐՆԵՐ

ՀՀ աշխատանքի եվ սոցիալական հարցերի նախարարություն

Հայաստանի Գործատուների Հանրապետական Միություն

ՄԻՋԱԶԳԱՅԻՆ ՀԱՄԱԳՈՐԾԱԿՑՈՒԹՅՈՒՆ

Արհմիությունների համընդհանուր կոնֆեդերացիա

Արհմիությունների միջազգային կոնֆեդերացիա

Աշխատանքի միջազգային կազմակերպություն